Afbeelding
Foto: Jan Joost

Platte column: Parkeerbeleid

Algemeen

Loat wean wat wil, mear de gratis parkeervuurzieningen vuur luxe waangs in Riessen he’w good vuur mekoar. Doar mangt zelfs oergezoonde beume op het oolde Hoarskoolterrein tusken de Hoar en ’n Baankamp vuur wieken. Onbegriepelijk um doar de zage in te zetten vuur hoogoet 4 parkeerplaatsen extra. Ik heb ze teeld en ik zir niejnde noar het eindresultaat. Dan goa’w ze wier tellen. Grote kaans det ze duur ‘voortschrijdend inzicht’ de parkeerplaatsen toch nog oart breder hebt emaakt en der helemoals gin parkeerplaatsenweenst is. Gedeankt minne weurde. 

Hoe milieuvreandelijk kö’j as gemeente wean

Hoe milieuvreandelijke kö’j as gemeente wean. Nit allenig zukke lösse parkeerplaatsen, mear ook angoande het parkeren in de twee parkeergarages, oonder de Hoge Wal en oonder ’t gemeentehoes en ‘n bibliotheek is de gemeente autovreandelijk. Benaamd vuur ne hele riegel elektrische Volkswagen Upjes, ik schatte zo’n dartig van dee dinge, ook een poar Golfjes vuur de heugere ränge en zelfs nen Tesla vuur at ze ne moal noar ’n Diekerhook, ‘n Beusenboarg of richting de Borkeld munn.

zelfs nen Tesla vuur at ze noar ’n Diekerhook, ‘n Beusenboarg of richting de Borkeld munn

Normale bedriewe zegt tegen eur personeel det ze ’n luxe wage nen eande van de woarkstea munn toozetten um ruumte te loaten vuur klaanten. Mear in de parkeergarage, hartje centrum Van Riessen stoat doar gemiddeld zo’n 15 wagentjes (oawerdag zeent de meesten vot) de plaatse van het weenkelende publiek in te nemmen. Hoe kö’j det toostoan?

Vuur de börgemeaster zal ik nit zeggen en nog een poar deure gäste, mear de gewone hardwoarkende ambtenaar hebt dus ook ne voorkeurspositie. Vuural ’s zoaterdaangsmiddaangs is het rondjes jaagen um doar dikke dartig autootjes van de gemeente stoat op te laden.

Toch wil ik nit wichterachtig doon. Dee gemeentegarage kost vuur de gebroeker niks en a’j nen ooldtimer mooi dreuge weelt oawerweentern, jaag iej det deenk ook noar dealten hen. Heel vake zee’j doar det ‘r ook bootcamps wordt eheulden at vuurboeten reangt. Dan zee’j der opeens twentig man ‘samen scholen’ um te oefenen vuur ’t skiën. Det kan allemoal in de gemeentelijke parkeergarage. Kan wean det ze de bootcampers huur betaalt, mear vermoedelijk nit.

Netuurlijk snap ik wal de’j vuur toeristen autovreandelijk mangt wean, mear Riessen drif det wal vear duur en gef zekers geen good vuurbeeld.

Of zoln de Upjes-berieders temet op het oolde Hoarskoolterrein munn parkeren.

Gerard Voortman

Afbeelding
Nieuwe tafel? Maak hem samen met Mooie Tafels 2 uur geleden
Afbeelding
OV-ambassadeurs houden inloopspreekuur in Rijssen 4 uur geleden
Afbeelding
'Versiering' aan hekken bouwterrein Albert Heijn 18 uur geleden
De koeien houden de wacht bij de poasboake van Holterbroek. De komende dagen wordt daar nog hard gewerkt om er een mooie poasboake van te maken.
Speciale paasvurenroute langs Holtense poasboakes 20 uur geleden
Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' gisteren
Afbeelding
IVN houdt fotowedstrijd rondom het thema Lente 28 mrt, 12:06
Afbeelding
Nú is het moment om te winkelen bij Van Dal mannenmode in Rijssen 27 mrt, 20:19
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 27 mrt, 18:12