<SCRIPT SRC="//secure.adnxs.com/ttj?id=10195025&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>

Mel-Ebert

A'j sjieke gerechen weelt etten mu'j noar 't cafetaria hen: patat, frites, frikadel, kroket, mayonaise, kaassoufflé…allemoal Fraanske gerechen. Mer de snelle branche hef de leste joaren ook ne hele snelle ontwikkeling duur-emaakt.

Op 'n website Erfgoed Rijssen-Holten zochen ik noar nen foto van de Hoar met 'n petätkroam der op van Mel-Ebert. Den steun zon betje op de plaatse woer 'n apotheek van Van der Veen ophooldt. Doar steun ooit dee Pipo-koare van Langkamp. Later wörden det 'n steendern gebouwtje det op heel völle foto's steet. Mer dee Pipo-wage met opzied ne lösse klappe zee'j noarns. Jan van Mel-Ebert was drok gangs en a'j dan petät besteeldn vreug'e: "Ook skearzepe?" want Fraanske wöarde gebreukn ze toen nog nit zo vake. Toch roar det den petätkroam van Mel-Ebert op gin enen foto steet. At leu dit least en tóch nen foto van den heulten kroam van Mel-Ebert hebt, dan wi'w den geane hebben. Komt eawn noar 'n Oosterhof, dan scanne viej um en he'w wier 'n stukn van de typisch Riessense geschiedenis vealig-esteeld en krie'j van oons ne komme koffie.

Petät - petät mét - petät zóónder - 'n kroketje - nen bamibal en netuurlijk gehakbälle, mer dee warren der al völle lenger. En netuurlijk ook Arie van Peare-Jan zin favoriete deer: nen halven haan. Biej Mel-Ebert wes 't vuural petät. Der warren ook leu dee petät-zoonder kochen umdet ze in 't hoes nen grootn emmer mayonaise hadden en det wes vuurdeliger. Kroketten warren der ook, mer ook dee maakn de leu eerst ook vake zelf, vuural met nen apartn dag. Kort doarnoa kömmen de loempia's en frikandellen. Frikandel-speciaal wes wat niejs. Heel verneampstig van dee petätboeren: een poar siepeln der biej, betje ketchup en majjenaize. Nen gewoon frikandel 90 ceant, nen frikandel-speciaal f 1,50. A'j an 'n petät rieke wordt, wo'j nooit wier oarm, zeaden de economische deskundigen.

Kon wal 's wean. Want der is de ofgelopen joaren 't een en aander biej-ekömmen: nen bereklauw of berehap met of zoonder pindasaus, patatje-oorlog, patatje-gruwelijk, mexicano's, smulrol, dolle mina, pikanto, kipcorns, kipfingers en dan zo'j hoaste de bitterbälle nog vergetten. Allemoal lekker, mer a'j good lustert kö'j 't cholesterol heuren fluiten.

De cafeteriabranche wordt trouwens ook stöadig gezoonder. Der zeent al hele liesten met de meest verantwoorde snacks. Petät-met hef 't meeste calorieën en nen Vietnamesen loempia 't minste. En doarumme zeent ook de breudjeszaken ontstoan, want volgens de echte kenners zeent 'r gewoon gin gezoonde snacks. Nee, dan is 'n broodje-gezond better.

Mer ook doar wordt de leu alverdan vittiger. Een poar wekke terugge köm der nen kearl in ne breudjeszaak in Almelo. Hee wol wat gezoonds etten. Toen vreug'e:
"Ma'k een broodje walvis met siepeln?"
Zeg 'n breudjeskearl: "Dat he'k nit."
Zeg den kearl: "Doot miej dan mear zoonder siepeln."

Gerrit Dannenberg


<SCRIPT SRC="//secure.adnxs.com/ttj?id=10195025&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
Meer berichten
 
Auto zoeker
<SCRIPT SRC="//secure.adnxs.com/ttj?id=12375520&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195035&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195036&size=160x600&promo_sizes=120x600&cb=[CACHEBUSTER]&promo_alignment=center&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12375519&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12302625&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12949560&size=160x600&promo_sizes=120x600&promo_alignment=center&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195026&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>