<SCRIPT SRC="//secure.adnxs.com/ttj?id=10195025&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>

Column: Zelfreinigend

Een pisbak van de Scheeldkoarke is nit mear in functie. Nit mear neurig, want a'j op moandagmoarn neug munn kö'j in 't gemeentehoes noar de wc. Een pisbak har vroger wál ne echte functie, want nen hoop kearls maakn der gebroek van. Det ko'j vuural de zommerdag good roeken a'j der langs kömmen.

Een pisbak as oolderwets verschiensel kó'j nog aaltied kennen, mer der steet non een hekke vuur en het is in gebroek as boargruumte vuur het grote scherm van 't klokkenspel in 'n Scheeldkoarktoorn. Heel praktisch.

In alle grote plaatsen zeent de openboare toiletten langen tied een probleem ewes um ze skone te hooldn. De praktijk is det nen hoop gebroekers der redelijk onverschillig met umme-goat. De leu noa miej munn zik mear redden. Kiekt ook noar de gratis wc's langs de Duutse snelweagen. Vake nen pröttel.

Ne oplössing is um de leu der vuur te loaten betalen. In Amsterdam in de Kalverstroate is nen toilet-weenkel. Iej betaalt nen euro vuur het gebroeken van de braandskone wc's en in de weenkelruumte doarvuur kö'j van alns kopen wat met de wc te maken hef. Ne hele mooie oplössing, vuural vuur plaatsen woer genog leu komt vuur genog angeloop vuur de wc's. Gin spleenterniej idee netuurlijk, want het is eagelijk ne luxe oetvoering van de toiletjuffrouw met zon ceanten-schölke.

A'j de leu der vuur loat betalen, hoolde viej het netjes. Det wes een poar joar terugge ook de gedachte achter al dee grote roest-vriej-stoaln wc-installaties. Ook op een Scheeld hef der lange joaren ene stoan. Iej mossen der geeld in goojn, dan gong de dure lös en dan kö'j der in.

Woe'j heel good ach op munn geewn is det dee hoogtechnische openboare wc's slim van mekoar köant verschillen. Van belang is de'j de instructie den der op steet good munn leazen. Aanders kö'j lellijk te passe kommen.

Vlak biej de Marienkirche in de Duutse Hanzestad Lübeck steet een ultramodern zelfreinigend toilet. Doar mut nen euro in en dan geet de dure lös. Het besteet oet twee gedeeltes woer kearls én vrouwleu gebroek van mangt maken. Det koomp umdet disse wc zikzelf helemoals skone-sproeit noa élke gebroeksbuurte. Een poar joar geleden steun'k doar eawen steun te wochen vuur nen weenkel en doar leup ne hele kwieke oma, de heure strak in 'n permanentje met eur kleandochter. Det meakn mos noar de wc. Oma goojn der nen euro in en oonderwiel ze doar steun te wochen, bedachen'e netuurlijk: dan kan ik temet ook wal eawen noar de wc vuur 't zelfde geeld. De kleandochter köm noar boeten hen en nét vuur 't de dure dichte-völ slippen oma noar binnen hen. Boawen het geluud van 'n sproei-reiniger oet ko'j de oma dudelijk heuren. Toen de dure lös-gong wes der van 't permanentje niks mear oawer…

Gerrit Dannenberg


<SCRIPT SRC="//secure.adnxs.com/ttj?id=10195025&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
Meer berichten
 
Auto zoeker
<SCRIPT SRC="//secure.adnxs.com/ttj?id=12375520&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195035&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195036&size=160x600&promo_sizes=120x600&cb=[CACHEBUSTER]&promo_alignment=center&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12375519&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12302625&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=12949560&size=160x600&promo_sizes=120x600&promo_alignment=center&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>
<SCRIPT SRC="//secure.adnxs.com/ttj?id=10195026&cb=[CACHEBUSTER]&referrer=hartvanrijssen.nl&pubclick=[INSERT_CLICK_TAG]&postcode=745,746" TYPE="text/javascript"></SCRIPT>