Afbeelding
Foto: Jan Joost

Column: Opgewekt Rijssen

Algemeen

Der is in disse contreaien ginne plaatse woer at der mear zangkoren zeent as in Riessen. De bekeandsten zeent netuurlijk Hosanna, het Riessens Mannenkoor en het Noordermannenkoor. Hosanna steet netuurlijk boawen an, det is feitelijk ook gin koor, mear ne oratoriumvereniging den at op een hoog nivo gangs is. Het commerciële Riessens Mannenkoor bulkt in de ceanten, dét is dan mear een soort ondernemmerskoor dee at gearne mooie reaizen maakt. Prima allemoal.

Dan hej nog een joonk koor Judah en het Vocaal Ensemble. Gewoon fuseren zol ik zeggen, mear dat zal wal oart te gemakkelijk wean. Dan was der ook nog zo'n koorschoolinitiatief dee at in de Anglicaanse traditie wollen zingen. Heel mooi allemoals, mear dee heuln dreks de haande op um 25 mille subsidie van de gemeente te kriegen. Tjea, zo kan allemán wal beginnen. Dee hadden zik eerst mun bewiezen en dán ne bescheaiden bijdrage vroagn.

Sinds kort is der wier een koor biej e-kömmen. Oaweral zee-j van dee brödjes biej de leu in 'n hof stoan vuur één of aander concert. Het mut vaste een bliejmeudig koor wean want zee neumt zik 'Opgewekt Rijssen'. Ik dachen dreks an opwekkingsliederen. Doar hef vaste een heel deur reclamebureau lange oawer noadach, dachen ik zo biej miej zelf.

Tot det ik op de bibliotheek Gerard Bakker spreuke det at miej lid wol maken. 'Mear ik kan ginne nötte leazen en wieze hooln kan ik ook nit'. Gerard schudden met het heuwd: 'Nee, iej vergist oe, het is gin koor, iej hoowt ook nit te zingen, mear iej mun wal lid worden, viej hebt der al dikke dree honderd'.

Bakker lea miej oet det ze grote dake van zunnepanelen vuurzeet, een stroom verkoopt an de energiemaatschappijen, de eigenaar van de paanden woer at dee zunnepanelen op komt te liggen, kriengt nen mooie huur en aj lid wordt, betaal iej 15 joar laank gin energiebelasting en det löp dan biej 3500 kw zo mear op noar een dikke honderd euro korting.

'En toch doot de leu het nit dreks,' verteeln miej Bakker. 'Volgens miej hef dit te maken met Det de leu het nog völs te good hebt. Wat is dan honderd euro zo vuur niks kriengn ? Det jach jums nit an, en doar koomp biej det enkel een vuurdeel en gin noadelen, vroagen oprop. 'Echt nit, der zeent gin noadeeln, muk oew opskriewn ?'. Nee, det wol ik toch nit dreks. Mear a'j eure webstea bekiekt, is doar ginne speelde tusken te kriegn.

Het is netuurlijk ook völle better zunnepanelen te leggen op grote dake van bedriefspaanden of melkveeställe, dan een poar hectare gröslaand te vermatteln met van dee oerlelleke glasvlaktes miln in de natuur, doar tegenaower de Weend halfweg Hoolten.

Allenig doarumme al zir ik lid ewörden van de niejste zangvereniging.

Gerard Voortman

Afbeelding
OV-ambassadeurs houden inloopspreekuur in Rijssen 18 minuten geleden
Afbeelding
'Versiering' aan hekken bouwterrein Albert Heijn 14 uur geleden
De koeien houden de wacht bij de poasboake van Holterbroek. De komende dagen wordt daar nog hard gewerkt om er een mooie poasboake van te maken.
Speciale paasvurenroute langs Holtense poasboakes 16 uur geleden
Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' 20 uur geleden
Afbeelding
IVN houdt fotowedstrijd rondom het thema Lente 22 uur geleden
Afbeelding
Nú is het moment om te winkelen bij Van Dal mannenmode in Rijssen 27 mrt, 20:19
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 27 mrt, 18:12
Vlnr: Dick Keizer, Henk Plas, Gerrit Koster, Herman van den Belt, Wim Janssen.
Noordermannenkoor zet jubilarissen in het zonnetje 27 mrt, 12:07