Afbeelding

Column: Coronakapper Joop

Algemeen

Noadet Mark Rutte in verbaand met Corona de dure van de kappers too dee, was ’t gebuurd met höare snieden. Netuurlijk preberen ik der nog oonderoet te kommen, beelden wat in de roondte, mear ginne kapper wol der zik an woagen. A’j trappeerd wörden zol det den kapper 4000 euro kosten en ‘n klaantn 400. Noa jea, dan wi’j het wal loaten.

Feitelijk gaf het vuur de meeste leu niks, want de leu mangt nit noar koark of klooster. Boskoppen doon doot de vrouwleu meestieds en met twee man mag ook wier nit en umdet völle kantoorvolk in ’t hoes woarkt en nit noar klaanten hen mangt, zut oe gin meanske. Loat toch wassen den kroam.

Tuskenduur ha’k ik Joop al eens ne moal etipt duur de klaanten ne online knipcursus an te beden. Wol Joop nit van weten. Leek miej just wal mooi um dan alleman met van dee op-dezelfde-menere-foute-zelfgeknipte-kapsels te zeen.

Op een gegewen momeant begeent het oe te jökken en doo’j oart met de tondeuze langs de bakkeböarde hen, hier een laank hoar vot, gends ook een fuske, dan kriej vanzelf zon joaren zestig/zeuwntig nozemkapsel, nen eande oawer de oren hen, iej kent det wal. Brilcreem dut dan woondern, mear op ’n doer stoai stief van de gel.

Noa een poar wekke zag iej biej kapper Joop zon rood stoplech an de vuurdure an ’n Hogenpad. Toen at Rutte in wekke 19 bekeand maken det de kappers wier lös mochen, wör het stoplecht greun. Ikke dreks beln. “Nee, viej goat pas ‘n moandag lös. Kiekt mear op Facebook doar steet min instructiefilmpje op.” “Mear ik heb gin Facebook, Hyves of Instagram Joop.” “Niks an te doon, vroangt oew wichter mear.” Kern van de boskop: viej woarkt nit op afspraak, mear wal vólgens afspraak.

’s Moandaangs der mear op ewoangd, want zo heanig an kreeg ik vertn in nekke. Vuurboeten steun een poar man te wochen op het stoplecht. At het greun wörn, moch der wier ene noar binnen hen. Oonder de klapsteule zat een klean schakelaartje den at met enige vertraging duurgaf det der ene in een kappersstool had plaats-enömmen. A’j binnen kömmen, eerst haande wasken, dan 1,5 meter oet mekoar zitten en dan met plexiglas tusken de steule, wö’j oonder haande nömmen.

Um de Corona-kösten een betjen terugge te verdenen, rekken Joop nen euro extra. Kö’j niks van zeggen, duch miej.

Economen zöalt zo iets dan wal wier Corona-inflatie neumen. Mear ik lope der wier skier biej.


Gerard Voortman

Afbeelding
'Versiering' aan hekken bouwterrein Albert Heijn 12 uur geleden
De koeien houden de wacht bij de poasboake van Holterbroek. De komende dagen wordt daar nog hard gewerkt om er een mooie poasboake van te maken.
Speciale paasvurenroute langs Holtense poasboakes 13 uur geleden
Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' 17 uur geleden
Afbeelding
IVN houdt fotowedstrijd rondom het thema Lente 19 uur geleden
Afbeelding
Nú is het moment om te winkelen bij Van Dal mannenmode in Rijssen 27 mrt, 20:19
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 27 mrt, 18:12
Vlnr: Dick Keizer, Henk Plas, Gerrit Koster, Herman van den Belt, Wim Janssen.
Noordermannenkoor zet jubilarissen in het zonnetje 27 mrt, 12:07
Met elkaar netwerken en genieten van een drankje, kaas en worst. Kijk voor meer foto's op hartvanrijssen.nl
Netwerken met kaas en worst 27 mrt, 12:04