Afbeelding
Foto: ©2021 STUDIO 81 Photography

Platte column: börgemeasters-getuttelte

Algemeen

As ne voetbalclubn nen niejen trainer neurig hef, wordt ‘r nooit ezocht noar nen bruggenbouwer en verbinder? Hef ne gemeente nen niejn börgemeaster neurig – den eagenlijk niks aans mut doon as een team ansteuren - dan wordt ’t ineens een aander verhaal. 

Börgemeaster Arco Hofland van Riessen-Hoolten geet met pensioen. Miene dochter vreug: “Watvuur diploma’s mu’j vuur börgemeaster hebben?” 

Tjea…eagenlijk niks gin pepiern. Iej köant börgemeaster worden zoonder één officieel diploma. 

Ze kon ’t hoaste neet geleuwen in dissen tied vol hoogglans cv’s en juichende LinkedIn-profieln met fantasiecertificaten en opbloastestimonials. 

Natuurlijk maakt een gemeenteroad een verlangliestje van wat vuur soort börgemeaster ze geane weelt hebn. Dat neumt ze heel deftig nen profielschets. Doar doot ze eerst aaltied heel geheimzinning oawer, mear a’j ’n betje nuchter noadeankt, wee’w al lange wat doar in koomp te stoan vuur Riessen-Hoolten:

- nen kearl of ne vrouwe maakt oons neet oet, het geet um de kwaliteiten

- ze munn minstens twee volle perioden van zes joar könn bliewn zitn, aanders koomp der van niej beleid niks trechte.

En dán komt de clichés: het mut nen verbeender wean en nen brugnbouwer. Ook al zeent ‘r heelmoals geen depe ofgroonden te oawerwinn: tóch bruggenbouwer en verbinder. Het hef wat van nen genie-soldoate en EHBO’er. Elke polletieke partieje geet dat temet noa de vekaansie heel hard roopn en viej weet non al dät ‘t vuural zeggewöarde zeent. En ás ze echte bruggenbouwers en verbeenders zeent, dan krie’j dat woonderlijke slag börgemeasters van tegenswoordig wat vuural ne krusing is tusken ne psychiatrische praktijkzuster en nen leraar maatschappijleer dee vroger ook nooit orde konn hooldn.

Loa’w earlke wean: ’n betje gezoond verstaand is alns wa’j neurig zeent. Hoof neet eens zo völle te wean. Met ‘n fietje meansenkennis um aandere leu heanig an te veuln; ne eagn meaning en nen stewigen ruggengroat…dan he’j de gereedschapskiste redelijk in order. A’k doar an deanke schöt miej nen börgemeaster van dät kaliber te binnen: PvdA’er Jan Lonink. Steun kortens nog in zon kreantje. Hee köm oet disse contreajn en wus wat vuur volk hier woont. Hee wus ook hoe’j hier met mekoar umme goat. Volgens um wes “democratie méár as de helfte plus ene. Het koomp der op-an hoe de mearderheid met de meenderheaid umme geet. Democratie is vuural: mekoar ook eens wat gunnen.”

Tjea…det is wat aans as dät getuttelte oawer verbeendn en brugn bouwn. Toen Jan Lonink in 2001 noar Riessen-Hoolten köm warren ‘t aandere tieden. Dät is woar. Mear een niejn gemeenteroad kan der vuur zorgen det dee tieden wierumme komt.

Gerrit Dannenberg

Afbeelding
'Versiering' aan hekken bouwterrein Albert Heijn 13 uur geleden
De koeien houden de wacht bij de poasboake van Holterbroek. De komende dagen wordt daar nog hard gewerkt om er een mooie poasboake van te maken.
Speciale paasvurenroute langs Holtense poasboakes 14 uur geleden
Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' 18 uur geleden
Afbeelding
IVN houdt fotowedstrijd rondom het thema Lente 20 uur geleden
Afbeelding
Nú is het moment om te winkelen bij Van Dal mannenmode in Rijssen 27 mrt, 20:19
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 27 mrt, 18:12
Vlnr: Dick Keizer, Henk Plas, Gerrit Koster, Herman van den Belt, Wim Janssen.
Noordermannenkoor zet jubilarissen in het zonnetje 27 mrt, 12:07
Met elkaar netwerken en genieten van een drankje, kaas en worst. Kijk voor meer foto's op hartvanrijssen.nl
Netwerken met kaas en worst 27 mrt, 12:04