Afbeelding
Foto: Jan Joost

Column: Gerard Voortman

Algemeen

Vuur wee at van echt noamaak hooldt, mut vuur de oardigheaid is nen moal noar Bataviastad hen goan. Feaitelijk is het ginne stad omdet der gin centraal plein is, iej zeet ginne koarke, gin gemeentehoes, gin politie, iej zeent gin driethoonde, gin hangjeugd, gin geknetter met van dee rotscootertjes. Gin auto’s, gin fietsen, gin rommel op stroate, het steenkt der nit noar nen viskroam, iej zeet der gin zwoarvers, en toch löp doar verdan een poar honderd man op de stroate. Winkeln, gengeln, veuln an de kleare en aandere teuntelderieje. En nét as in Ootmuske, gin spierken grös tusken ‘t ströatje. Oh ja, en fijne gebakken bestroating. In ieder geval nit zo as dee booltersteene in Riessen.

Gin booltersteene as in Riessen

Bataviastad is niej noamaakstadje op niej laand. Noarns aanders heb ik een grötter contrast e-zene in nen weenkelstroate as doar. Het zet oew alverdan op ’n kop, oold en niej botst doar met mekoar. Nen grote perkeerplaatse, nen dikke zwoare stadsmure met dree stadspoorten en good hoonderd weenkels. 34 laadpeunten vuur Tesla’s, en 32 vuur gewone Opeltjes, Golfjes en Fiatjes. Verskil mut der wean.

oaweral zag iej dee oarme bleute vuur boeten stoan

Dee heulten weenkelkes mun het oolde Marken vuurstellen, allemoal mooie verschilnde gewelkes, mear ook det is allenig mear de vuurkaante. Van binnen is allemoal strak, stoalne frames, steaigerplanken der um hen e-timmerd, net echt. Het dut oew deanken an Curaçao oet de joaren van de West Indische Compagnie. Het is neparchitctuur met echte Belgische waaltjes, mooie buxusheagjes, leailindes, zwoar hooltwoark en in de hawen ligt det noagebouwde Bataviaschip.

Honderd weenkels, strak nöast mekoar en allemoal topmoarken, van Adidas, Arrow, en van Gaastra, Ichi, Kipling, Polo Ralph Lauren, tot Yaya en Zaza. Officieel is het een outlet shopping centrum, mear het is echt nit allenig oetverkoopspil. Det kearlke biej Ralph Lauren wol het miej nog wal oetleggen. Euren weenkel was toch echt gin outletspil zo as biej McGregor want det was aowerjoarig spil. Nee, zéé warren een factory oulet. Allemoal niej spil, mear wal völle goedkeuper as euren weenkel an de Amsterdamse PC Hooftstroate. Doar had zin va een aowerhemd van honderd euro kocht en det kosten in de Bataviastad viewndartig euro meender. Heel vrömd allemoal det dee deure moarken an kannibalisme doot, want juust exclusiviteit van dee deure moarken, haalt ze noar dealten hen, deur het vuur de gewone man betaalboar te maken zodet een febrieksoarbeaider in het zelfde poloshirtje geet lopen as nen magnaat van een betonfebriek den at vriejdaangs hen golfen geet.

En normaal zee-j outletweenkels op het industrieterrein mear hier is der een complete stad van e-maakt. En het blik antrekkelijk te wean want ik zagge gin leegstand !!

Preenspoal kleare dus, een betjen sieroaden, nen weenkel met sukela, serviezen en bestek. Vuur de kearls zol der horlogeweenkel mun wean of zo, want aoweral zag iej dee oarme bleute vuur boeten stoan.

Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' 33 minuten geleden
Afbeelding
IVN houdt fotowedstrijd rondom het thema Lente 2 uur geleden
Afbeelding
Nú is het moment om te winkelen bij Van Dal mannenmode in Rijssen 18 uur geleden
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 20 uur geleden
Vlnr: Dick Keizer, Henk Plas, Gerrit Koster, Herman van den Belt, Wim Janssen.
Noordermannenkoor zet jubilarissen in het zonnetje 27 mrt, 12:07
Met elkaar netwerken en genieten van een drankje, kaas en worst. Kijk voor meer foto's op hartvanrijssen.nl
Netwerken met kaas en worst 27 mrt, 12:04
Philip Dröge is historicus, columnist en journalist.
Philip Dröge over een vergeten stukje van de Nederlandse taal 27 mrt, 10:00
Afbeelding
Koffie en Klets in De Bron in Enter 27 mrt, 08:06