Afbeelding
Foto: Gerieke ter Denge-Pluimers

Platte column: Lecht

Algemeen

Wiej mut de klimaatdoelen halen. Leu, wiej mut de klimaatdoelen halen. En ooh wat zi’w toch sustainable, committed en green. Mooi dat Plat wier een bullshitfilter is: a’j et slietvaste, toowiedt en greun zollen neumen, zo’j et pas echt meanen.

Glasvlaktes vol zunnepanelen, elektrische auto’s, wöarmte oet de grond, kartunnene reedkes duur et plastic lid van de milkshake van de Mac dee’w zo oet et autoraam kiepert, wiej wilt oaveral wal an metdoon. Want wiej mut de klimaatdoelen halen. Et skealen neet völle of wiej hadden grote monstermöllen in my backyard te roazen ehad, wee’j et nog? Dat wör met völle kabaal tegenehölden. Klimaatdoelen en ne bettere wearld prima, mer ons gemakkelike leaven en onzen dikken balg mochten der neet onder lieden ja?

Misskien mu’w dee möllen der toch toozetten. Wiej komt anders stroom te kort. En ik wete ook wal woervan. Vuur de wille mu’j ’s oavends in ’n duustern es duur et bedrievenpark van Riessen hen jagen. Natuurlik neet met nen auto, want dat kost oe een moandloon an benzine rechtevoord. Iej mut op de elektrisch opeladene fietse woeras de kollenfabrieken dik in de oaveruren vuur dreeit, want zelf treaden op ne gewone fietse, da’s neet hip a’j een betten metloper zint.

Iej vernemt doar geheels neet dat et duuster is. Zowat alle bedrieve verknooit nacht in nacht oet heupe kilowatturen an stroom um öare halle mooi in et lecht te zetten. Auto’s met de lechten an in ’n showroom. Et is der ene zee van onnatuurlik, lellik, fel neonlecht in alle kluren dee’j oe könt bedenken. Toch nog ne reagenboage in Riessen. Solidair en inklusief. Wat een statement ja!

Vuur wee he’j dat lecht an? Der is ginnen hond an et woark op dat uur! En der kump ook nums op bezeuk, want iej zint der zelf neet en um dee tied ligt een fatsoenlik menske in bedde (onder de elektrische dekkene). Of zit in thoes op de banke, met nen vinger op et striekbot te veulen, kort bie et stopkontakt want wat maakt ze dee snoerkes toch akelig kort. (Wal met nen dikken jas an, want wiej mut de klimaatdoelen halen).

Wee geet doar noe van denken: “Poah, wat ne verspillende lechtzee bie den en den doar achterof op dat industrieterrein woeras gin menske vuurbie kump, doar mu’w toch rap es een moal ‘n kop um de dure stekken!” Wee zut dat noe? Ja, enen knarrigen kolumnskriever. Ieleu stoat der mooi op.

Zovölle lecht en toch de weg kwiet.

Martin ter Denge

Afbeelding
'Versiering' aan hekken bouwterrein Albert Heijn 2 uur geleden
De koeien houden de wacht bij de poasboake van Holterbroek. De komende dagen wordt daar nog hard gewerkt om er een mooie poasboake van te maken.
Speciale paasvurenroute langs Holtense poasboakes 3 uur geleden
Met de hulp van een leerlinge hijst wethouder René de Koff de vlag als startsein voor het verkeersexamen van VVN Rijssen-Holten.
'Zijn jullie al een beetje zenuwachtig?' 7 uur geleden
Afbeelding
IVN houdt fotowedstrijd rondom het thema Lente 9 uur geleden
Afbeelding
Nú is het moment om te winkelen bij Van Dal mannenmode in Rijssen 27 mrt, 20:19
Bart bezoekt regelmatig zijn ouderlijk huis en vrienden in Holten (eigen foto).
Bart Vermeulen reizende ster in artiestenland 27 mrt, 18:12
Vlnr: Dick Keizer, Henk Plas, Gerrit Koster, Herman van den Belt, Wim Janssen.
Noordermannenkoor zet jubilarissen in het zonnetje 27 mrt, 12:07
Met elkaar netwerken en genieten van een drankje, kaas en worst. Kijk voor meer foto's op hartvanrijssen.nl
Netwerken met kaas en worst 27 mrt, 12:04