Wochen!!! De Riessense imkers weet ‘r van
RIESSEN - As bestuur van de imkersvereniging zatte vie te disseln oawer ne niejn Biejnstal biejt kasteel.
Det was in ‘t joar 2017 oons kroonjoar. Vie bestuen Ss vereniging nl. 100 joar.
16 leedn
Het greutste probleem warn de financiën. Met 16 leedn was het ginne vetpot, dr zat wa wat geeld in mear lange nit genog um nen mooin stal te bouwn. Gelukkig was dr de clubkasaksie van de Rabo en Doar kreewe nen mooin stuewer van um met te beginn.
Mekenkamp
Toe kum der de vroage Wat der meugeluk was bie oons mooje kasteel. De kearls va Mekenkamp, Jan en Johan zeent 2 timmerkearls en dee beunn ons an um de oale woarkplaatse van Johan te gebroekn mear dan mossen ze wa hoolt hemn en t leafst eekn.
Jan Flim
Jan Flim wus wa oarns mooi eekn te lign en hef dat veur oons eregeld. Vie mossen het wal eawn ophaaln oet Duutslaand want het lea oarns bie Freiburg.
Pultrum
Noa ne moand of dree kon Pultrum ne retoervrach regeln en kum t disse kaante op. Helaas wast te nat um te zaagn en most nog wa n joar dreugn.
Corona
Oonderwiel mear eers ne teeknge maakn en an de prominentn loatn zeen umt good te kuurn.
Inmiddels eind 2019 konn Johan en Jan der met an de gaank. Mear toen ze net gangs warn kum corona en dus lea alns wier plat.
Gruendak
Gelukkig konne vie half 2010 n biejnstal opzetn. Helaas was het geeld ook zon betje op en konne vie gin gruendak mear betaaln wawwe dr toch geane op woln hemn.
Stichting
Gelukkig is der in Riessen ne stichting den at oe doar met kan helpn en dus is det ook trechte ekumn.
Puente van de snorre
De vriewillegers va de vereniging hebt de leste haane der an eleg met stroatwoark en zo, as leste, hef Jelle het schilderwoark edoan en dan wa zoo mooi det’e het volgens mie met de peunte va zinne snorre hef of-ewoarkt.
't Wochen wear
As bestuur zie’w blie met het resultaat, het was ‘t wochen zeker weard.
(Nederlandse vertaling op www.hartvanrijssen.nl)